امریکہ میں فائرنگ ، 21 ہلاک 54 زخمی
امریکہ میں فائرنگ کے واقعات میں اکیس افراد ہلاک اور چوّن زخمی ہوئے ہیں
ہمارے نمائندے کی رپورٹ کے مطابق امریکہ میں فائرنگ کے واقعات کے اندراج کے مرکز نے جمعرات کو رپورٹ دی ہے کہ فائرنگ کے یہ تازہ واقعات جن میں اکیس افراد ہلاک اور چوّن زخمی ہوئے ہیں گذشتہ چوبیس گھنٹے کے دوران پیش آئے ہیں- فائرنگ کے زیادہ تر واقعات انڈیانا، کنزاس ، نارتھ کیرولینا، وسکانسین اور واشنگٹن ریاستوں میں رونما ہوئے ہیں- گذشتہ اڑتالیس گھنٹے کے دوران امریکہ کی مختلف ریاستوں اور شہروں میں فائرنگ کے دوسوپانچ واقعات کی رپورٹ درج کرائی گئی ہے کہ جن کے نتیجے میں چوّن افراد ہلاک اور ایک سو ستر افراد زخمی ہوئے ہیں جبکہ فائرنگ کے پینتیس واقعات میں کوئی ہلاک نہیں ہوا- امریکہ میں فائرنگ کے واقعات میں ہرسال ہزاروں افراد ہلاک اور زخمی ہوجاتے ہیں- سماجی تنظیموں کی کوششوں کے باوجود اسلحہ ساز کمپنیوں کی حامی لابی کانگریس میں اسلحہ رکھنے پر پابندی کا بل پیش نہیں ہونے دیتی -
