صہیونی حملوں پر بیانات سے آگے بڑھنے کا وقت آ گیا: حزب اللہ

Feb ۲۱, ۲۰۲۶ ۲۰:۴۰ Asia/Tehran

حزب اللہ لبنان نے ملک کے مختلف شہروں پر صہیونی فوج کے حملوں کے بارے میں بیروت حکومت کے موقف پر شدید تنقید کرتے ہوئے کہا ہے کہ صہیونی حملوں پر زبانی مذمت کرنے کا اب کوئی فائدہ نہیں ہے۔

سحرنیوز/عالم اسلام: لبنانی پارلیمنٹ میں حزب اللہ کے نمائندے رامی ابوحمدان نے کہا ہے کہ صہیونی حکومت نے گذشتہ روز افطار کے وقت فضائی حملہ کیا اور ہماری بات صہیونی حکومت سے نہیں ہے جو صرف طاقت کی زبان ہی سمجھتی ہے بلکہ ہمارے مخاطب لبنانی حکام ہیں جو لبنان کی سرزمین اور عوام کی حفاظت کا ہمیشہ دم بھرتے ہیں۔

ہمیں فالو کریں:

رامی ابوحمدان نے کہا کہ لبنان کے عوام کا خون کوئی سستی شے نہیں ہے اس لئے بیروت حکام کو لبنان کے دفاع کے طریقہ کار میں بنیادی تبدیلیاں لانی چاہئیں۔ جو واقعہ کچھ گزشتہ رات بقاع میں ہوا اور جو واقعات ہر روز جنوبی لبنان میں پیش آتے ہیں انہیں کسی بھی صورت ایک معمول نہیں بننے دینا چاہیے۔ ابوحمدان نے زور دے کر کہا کہ لبنان کے اقدامات فوری اور نتیجہ خیز ہونے چاہئیں اور حکومت اور ریاستی اداروں کو اپنی ذمہ داریاں اس طرح ادا کرنی چاہئیں کہ وہ کسی بھی قسم کے دباؤ اور دھمکی کے سامنے جھکنے سے دور رہیں۔ انہوں نے کہا کہ لبنان کے عوام تمام تر درد و رنج اور زخموں کے باوجود مقاومت کے راستے پر ثابت قدم رہیں گے۔