SAHAR

مغربی افریقا کے ملک بورکینافاسو کے دارالحکومت کے ایک ریسٹورینٹ پر مسلح افراد کے دہشت گردانہ حملے میں پچیس افراد ہلاک اور زخمی ہوگئے

بورکینافاسو کی وزارت اطلاعات و نشریات نےاعلان کیا ہے مسلح دہشت گردوں کے حملے میں سترہ افراد ہلاک اور آٹھ دیگر زخمی ہوئے ہیں - عینی شاہدین کے مطابق پک اپ ٹرک میں سوار تین مسلح حملہ آور ریسٹورینٹ میں داخل ہوگئے اور وہاں موجود لوگوں پر فائرنگ شروع کردی - سیکورٹی فورس کی جوابی کارروائی شروع کی گئی اور وہاں موجود لوگوں کو محفوظ مقام پر منتقل کردیا گیا - حکام کا کہنا ہے کہ مرنے والوں میں غیر ملکی باشندے بھی شامل ہیں جبکہ حملہ آوروں نے کئی لوگوں کو یرغمال بھی بنا لیا ہے - حملہ آوروں اور سیکورٹی فورس کے درمیان فائرنگ کا تبادلہ گھنٹوں جاری رہا-  ابھی تک اس خبر کے بارے میں مزید تفصیلات سامنے نہیں آسکی ہیں -