SAHAR

اقوام متحدہ میں شمالی کوریا کے مندوب نے حالیہ میزائل تجربے کو امریکا کے لئے تحفہ قرار دیتے ہوئے مزید میزائل تجربوں کی دھمکی دے دی۔

جینوا میں اقوام متحدہ کے انسداد اسلحہ اجلاس میں شمالی کورین مندوب ہان تائی سونگ کا کہنا تھا کہ شمالی کوریا کاحالیہ میزائل تجربہ ملکی دفاع میں کیا گیا اور یہ امریکا کے لئے تحفہ ہے۔

انہوں نے کہا کہ امریکا شمالی کوریا پردباو بڑھاتا رہا تواسے مزید تحفے ملیں گے۔

واضح رہے کہ شمالی کوریا نے دو دن قبل  اپنے چھٹے بیلسٹک میزائل  کا کامیاب تجربہ کیا تھا جس کے بعد سے امریکا اور شمالی کوریا کے درمیان کشیدگی میں کئی گنا اضافہ ہوا ہے۔