لندن میٹرو میں دھماکہ
لندن کے میٹرو میں دھماکے سے متعدد افراد زخمی ہوگئے ہیں
رویٹرز نے خبردی ہےکہ مقامی ذرائع کا کہنا ہے کہ لندن شہر کی ایک میٹرو ٹرین میں دھماکہ ہوا ہے - خبروں میں کہا گیا ہے کہ دھماکہ خیزمواد سے بھرے ہوئے سفید رنگ کے ایک تھیلے میں لندن کی ایک میٹرو میں دھاکہ ہوا جس میں متعدد افراد زخمی ہوگئے- برطانوی پولیس کا کہنا ہے کہ لندن کی کچھ میٹرولائنوں کو بند کردیا گیا ہے - اس درمیان امریکی صدر ٹرمپ نے لندن دھماکے کو امیگریشن سے متعلق اپنے وضع کردہ قانون کو حق بجانب قراردینے کا بہانہ بنانے کی کوشش کی ہے - امریکی صدر نے جمعے کو اپنے ٹوئٹر پیج پر لکھا کہ لندن کے دھماکے کے پیش نظر امریکا میں امیگریشن کا قانون سخت ہونا چاہئے- انہوں نے دہشت گردوں کے خلاف زیادہ سختی سے پیش آنے کی ضرورت پر زور دیتے ہوئے لکھا کہ انٹرنیٹ، دہشت گردوں کو دہشت گرد گروہوں میں شامل کرنے کا ذریعہ ہے اس لئے یہ سلسلہ بھی بند ہونا چاہئے -
