SAHAR

امریکہ پر حملے کی صورت میں امریکہ شمالی کوریا کو تباہ کر دے گا۔

اقوام متحدہ کی سلامتی کونسل میں شمالی کوریا کے میزائل تجربے پر ہنگامی اجلاس ہوا۔ اجلاس میں بات کرتے ہوئے امریکا کی مندوب نکی ہیلی نے کہا کہ امریکا، شمالی کوریا سے جنگ نہیں کرنا چاہتا لیکن اگر ایسا ہوا تو وہ پیانگ یانگ کو مکمل طور پر تباہ کر دیں گے۔ امریکا نے تمام ملکوں سے شمالی کوریا سے تعلقات ختم کرنے پر زور دیا ہے۔

امریکی مندوب نکی ہیلی نے کہا ہےکہ منگل کے روز لانچ کیا گیا شمالی کوریا کا میزائل پہلے سے زیادہ جدید ہے، دنیا بھر کے ممالک شمالی کوریا کے ساتھ سفارتی اور تجارتی تعلقات ختم کر دیں۔

انہوں نے کہا کہ تمام ممالک شمالی کوریا کے افراد کو نوکری سے نکال دیں، اقوام متحدہ میں شمالی کوریا کو حاصل استحقاق سے بھی محروم کیا جا سکتا ہے۔