SAHAR

شمالی کوریا کو دی جانے والی دھمکیوں کے بے اثر ہونے کے بعد اب امریکہ نے شمالی کوریا کوغیر مشروط طور پر مذاکرات کی تجویز دے دی۔

امریکی وزیر خارجہ ریکس ٹلرسن کا کہنا ہے کہ شمالی کوریا سے مذاکرات پر تیار ہیں تاہم شمالی کوریا اپنا راستہ بدلنا ہوگا، شمالی کوریا کےخطرات کا جواب دینے کے لئے پوری طرح تیار ہیں۔

امریکی وزیر خارجہ کا مزید کہنا تھا کہ شمالی کوریا کے خلاف طاقت کا استعمال میری ناکامی ہوگی، شمالی کوریا کی ایٹمی پروگرام سے دستبرداری کے لئے ہر ممکن اقدام کررہے ہیں۔

شمالی کوریا کو مستقبل کا فیصلہ خود کرنا ہے، امریکا چاہتا ہےکہ شمالی کوریا ایٹمی پروگرام بند کرے اور مذاکرات کی جانب آئے۔