شمالی کوریا کو سب سے بڑی ایٹمی طاقت بنانے کا عزم
شمالی کوریا کے رہنما نے اپنے ملک کو دنیا کی سب سے بڑی ایٹمی طاقت میں تبدیل کرنے کا عزم ظاہر کیا ہے۔
خبروں کے مطابق شمالی کوریا کے رہنما کم جونگ اون نے کہا ہے کہ ان کا ملک پوری قوت کے ساتھ دنیا کی سب سے بڑی ایٹمی اور فوجی طاقت میں تبدیل ہونے کی سمت قدم بڑھا رہا ہے۔انہوں نے یہ با ت زور دے کر کہی کہ ہم اپنی ایٹمی اور فوجی طاقت کو امریکہ کے برابر لانے کی پوری توانائی رکھتے ہیں۔کم جونگ اون نے یہ بات بھی زور دے کر کہی کہ شمالی کوریا اپنے دفاع کے لیے تمام وسائل بروئے کار لائےگا اور ہم ہتھیاروں کی تیاری میں کسی بھی حد کے قائل نہیں ہیں۔شمالی کوریا نے گزشتہ ماہ انتہائی طاقتور بیلسٹک میزائل کا تجربہ کیا تھا۔امریکی صدر ڈونلڈ ٹرمپ کے جنگ پسندانہ بیانات کے بعد جزیرہ نمائے کوریا میں جاری کشیدگی میں زبردست اضافہ ہوا ہے۔ امریکی صدر ڈونلڈ ٹرمپ شمالی کوریا کو فوجی حملے کی دھمکی بھی دے چکے ہیں۔
