SAHAR

امریکا نے وانا کرائی سائبر حملے کا الزام شمالی کوریا پر عائد کرتے ہوئے کہا کہ ہمارے پاس اس بات کے ٹھوس شواہد موجود ہیں۔

امریکی صدر کے مشیر تھامس پی بوسارٹ کا کہنا ہے کہ سائبر حملہ کرنے کا الزام ٹھوس شواہد کی بنا پر عائد کیاگیا ہے۔ تھامس پی بوسارٹ کا مزید کہنا تھا کہ اس سے متعلق آسٹریلیا، نیوزی لینڈ، جاپان نے بھی شمالی کوریا کے خلاف شواہد دیکھے ہیں۔

واناکرائی سائبر حملے سے اسپتال، اسکول، سرکاری دفاتر، تجارتی مراکزمیں کمپیوٹر جام ہوگئے تھے۔

واضح رہے کہ وانا کرائی نے مئی میں150 ممالک کے کمپیوٹر نظام کو متاثر کیا تھا اور اسکرینز جام ہوگئی تھیں۔