SAHAR

سوئیڈن کے دارالحکومت اسٹاک ہوم کی سب سے قدیم مسجد پر نسل پرستوں نے حملہ کر دیا۔

اسٹاک ہوم مسجد کے امام جماعت خالد ادیب نے کہا ہے کہ نسل پرستوں اور انتہا پسندوں نے شہر کی قدیم  مسجد کے دروازے  پر ایک آہنی صلیب نصب کر کے مسجد پر حملہ کر دیا-

مذکورہ مسجد کے امام جماعت کا کہنا تھا کہ ماضی میں اس مسجد پر نسل پرستانہ حملے ہو چکے ہیں اور کئی بار نازیوں کی علامت کے طور پر صلیب کی بگڑی ہوئی تصویر مسجد کے دروازے پر بنائی گئی ہیں-

انہوں نے بتایا کہ گذشتہ برس بھی کم سے کم دو بار اسٹاک ہوم کی اس مسجد پر حملہ کیا گیا تھا- پچھلے برسوں کے دوران سوئیڈن میں مساجد اور پناہ گزینوں کے کیمپوں پر بارہا حملے ہوئے ہیں۔