اقوام متحدہ: روہنگیا کے پناہ گزینوں کی مدد کا اعلان
Feb ۰۴, ۲۰۱۸ ۱۰:۲۳ Asia/Tehran
اقوام متحدہ نے کہا کہ وہ آئندہ مون سون کے دوران روہنگیا پناہ گزینوں کے لئے بنگلہ دیش کی کوششوں میں مدد کرنے کیلئے تیار ہے۔
اقوام متحدہ کے ہائی کمشنر برائے پناہ گزین کے ترجمان آندریز مہیسک نے کل صحافیوں سے بات چیت کرتے ہوے کہا کہ ممکنہ طوفان اورموسمی حالات بنگلہ دیش میں روہنگیا مسلمانوں کو سنگین خطرے میں ڈال سکتے ہیں۔
بنگلہ دیش کے کٹاپ لانگ اور بلوکھلی میں کم از کم ایک لاکھ سے زائد میانمار کے روہنگیا پناہ گزین رہتے ہیں۔
واضح رہے کہ گزشتہ سال اگست میں میانمار کی فوج کی طرف سے ظلم و زیادتی کی وجہ سے تقریبا ساڑھے چھ لاکھ روہنگیا مسلمانوں کو میانمار کے صوبہ راخین سے بے گھر ہوکر سرحد پار کرکے بنگلہ دیش میں پناہ لینے پر مجبور ہونا پڑا تھا۔
