امریکہ میں برف باری پروازیں منسوخ، تعلیمی ادارے بند
Feb ۱۰, ۲۰۱۸ ۰۸:۴۰ Asia/Tehran
امریکہ کی مغربی ریاستیں ان دنوں شدید سردی کی لپیٹ میں ہیں، برف باری کے باعث 1500 سے زائد پروازیں منسوخ ہوئیں جبکہ نظام زندگی بھی بری طرح متاثر ہوا ہے۔
میڈیا رپورٹس کے مطابق امریکا میں برفانی طوفان نے پھر تباہی مچادی، شکاگو سے لے کر ڈیٹرائٹ شہر تک طوفان کے باعث شدید برف باری ہوئی ہے۔
محکمہ موسمیات کے مطابق ان شہروں میں9 انچ برف باری ریکارڈ کی گئی ہے جبکہ خراب موسم کے باعث اب تک 1500کے قریب پروازیں منسوخ کر دی گئیں ، اسکولوں کو بند کردیا گیا اور نظام زندگی درہم برہم ہو کر رہ گیا ہے۔
برف باری کے باعث سڑک پر پھسلن کی وجہ سے ٹریفک کے متعدد حادثات رونما ہوئے ہیں۔
