SAHAR

امریکی صدر ٹرمپ کی جانب سے جوہری معاہدے سے علیحدگی کے بعد جہاں دنیا کے تقریبا سبھی ممالک نے امریکی اقدام کی مذمت کی وہیں ایران کے ساتھ جوہری معاہدے کو جاری رکھنے کا بھی اعلان کیا ہے۔

    چین کی وزارت خارجہ کے ترجمان گنگ شوانگ نے جمعہ کے روز چین کے دارالحکومت بیجنگ میں پریس کانفرنس سے خطاب کرتے ہوئے کہا کہ ایران جوہری معاہدے سے ٹرمپ کی علیحدگی کے باوجود ہم ایران کے ساتھ سیاسی اور اقتصادی تعلقات کو جاری رکھیں گے۔.

اس موقع پر انہوں نے کہا کہ اسلامی جمہوریہ ایران اور چین عالمی قوانین کے فریم ورک کے تحت دوطرفہ اقتصادی اور سیاسی تعلقات کو جاری رکھیں گے.

شوانگ نے غاصب صہیونی حکومت کی جانب سے شام پر حالیہ میزائلی حملے کا حوالہ دیتے ہوئے کہا کہ ہم تمام ممالک سے علاقے میں امن اور سلامتی کی فراہمی کے لئے صبر و تحمل سے کام لینے کا مطالبہ کرتے ہیں.