SAHAR

برطانیہ کی لیبر پارٹی کے سربراہ نے امریکی صدر ٹرمپ کی دوغلی پالیسیوں پر کڑی تنقید کرتے ہوئے کہا ہے کہ لندن کو ٹرمپ کے لئے ریڈ کارپٹ نہیں بچھانا چاہئے۔

امریکی صدر ٹرمپ کے دورہ لندن پر اپنے ردعمل کا اظہار کرتے ہوئے جیرمی کوربن نے کہا کہ لندن کو کسی ایسے صدر کی میزبانی نہیں کرنی چاہئے جو بین الاقوامی معاہدوں سے باہر نکل جائے اور نسل پرستی کا مظاہرہ کر رہا ہے۔
انھوں نے کہا کہ وہ ٹرمپ کے لئے دیئے جانے والے عصرانے میں بھی شرکت نہیں کریں گے۔
اس سے قبل برطانوی ایوان نمائندگان کے سربراہ نے بھی دارالعوام سے امریکی صدر کے خطاب پر اپنی مخالفت کا اظہار کیا تھا۔ برطانوی ایوان نمائندگان کے متعدد اراکین نے بھی امریکی صدر ٹرمپ کے خطاب پر اپنی مخالفت کا اظہار کیا ہے۔
واضح رہے کہ امریکی صدر ٹرمپ، تین جون کو لندن کا دورہ کرنے والے ہیں۔