بریگزٹ ڈیل پر جون میں رائے شماری
May ۱۶, ۲۰۱۹ ۰۸:۵۸ Asia/Tehran
بریگزٹ ڈیل پر برطانیہ میں آئندہ ماہ جون میں ایک مرتبہ پھر پارلیمانی رائے شماری ہو گی۔
غیر ملکی خبر رساں ادارے کے مطابق برطانوی وزیر اعظم تھریسامے کا کہنا ہے کہ جولائی کے اواخر میں گرمیوں کی چھٹیوں کی وجہ سے پارلیمانی سرگرمیوں میں وقفہ آ جائے گا اور چاہتی ہوں اس سے قبل ہی معاہدے کے بارے میں فیصلہ کر لیا جائے۔
واضح رہے کہ تھریسامے کی ملکی پارلیمان سے یورپی یونین کیساتھ کیے گئے معاہدے کو منظور کرانے کی اب تک تین کوششیں ناکام ہو چکی ہیں۔ یورپی یونین سے نکلنے کے لیے برطانیہ کے پاس اکتوبر تک کا وقت ہے۔
