SAHAR

امریکہ کی مختلف ریاستوں میں فائرنگ کے تازہ واقعات میں کم سے کم اڑسٹھ افراد ہلاک اور زخمی ہو گئے۔

فائرنگ کے اعداد و شمار جمع کرنے والے امریکی مرکز کے مطابق پچھلے چوبیس گھنٹے کے دوران ملک کی مختلف ریاستوں میں فائرنگ کے تریسٹھ واقعات ریکارڈ کیے گئے۔ ان واقعات میں کم سے کم اٹھارہ افراد ہلاک اور پچاس دیگر زخمی ہوگئے۔
گن وائلینس آرکائیو کے مطابق مذکورہ واقعات کے بعد پچھلے اڑتالیس گھنٹے کے دوران امریکہ بھر میں پیش آنے والے فائرنگ کے واقعات میں مجموعی طور پر چونسٹھ افراد ہلاک اور ایک سو اڑسٹھ زخمی ہوئے ہیں۔
امریکہ میں سالانہ ہزاروں افراد فائرنگ کے واقعات میں ہلاک ہو جاتے ہیں۔
امریکہ میں اسلحہ کی خرید وفروش اور نمائش کی کھلی آزادی کی وجہ سے مسلح تشدد اور فائرنگ کے واقعات، روز کا معمول بن گئے ہیں۔