SAHAR

نئے برطانوی وزیر اعظم بورس جانسن سے ٹیلی فون پر بات چیت کرتے ہوئے جان کلاڈ ینکر نے بریگزٹ معاہدے میں کسی بھی قسم کی تبدیلی کے امکان کو مسترد کر دیا ہے۔ انہوں نے کہا کہ موجودہ معاہدہ ہی برطانیہ کی اس یونین سے علیحدگی کا واحد اور بہترین راستہ  ہے اور اس سے دستبرداری کا سوال ہی پیدا نہیں ہوتا۔
جان کلاڈ ینکر نے مزید کہا کہ یورپی یونین، برطانیہ کے ساتھ مذاکرات اور لندن کے مسائل سننے کے لیے تیار ہے۔
اس سے قبل یورپی یونین کے چیف مذاکرات کار میشل بارنیہ نے بھی کہا تھا کہ بورس جانسن جو حاصل کرنا چاہتے ہیں وہ ناممکن ہے۔
فرانس اور جمہوریہ آئرلینڈ نے بھی بریگزٹ معاہدے پر از سر نو مذاکرات کے حوالے سے برطانوی وزیر اعظم کو سخت خبردار کیا ہے۔
جرمن چانسلر انجیلا مرکل نے بھی بریگزٹ معاہدے پر دوبارہ مذاکرات کے امکان کو مسترد کرتے ہوئے برطانوی وزیر اعظم کو بات چیت کی دعوت دی ہے۔