SAHAR

نیو ہمپشائر کے سب سے بڑے شہر مانچسٹر میں اپنے حامیوں سے خطاب کرتے ہوئے کہا ٹرمپ نے دعوی کیا کہ ایران اور چین امریکہ سے سمجھوتے کے لیے تیار ہیں۔ٹرمپ کا کہنا تھا کہ میں نے کبھی نہیں کہا کہ چین کا معاملہ آسان ہے البتہ انتہا ئی مشکل بھی نہیں، کیونکہ وہ ہمارے ساتھ سمجھوتے کے خواہاں ہیں۔

ٹرمپ نے مزید کہا کہ میں آپ کو بتانا چاہتا ہوں کہ ایران بھی سمھجوتہ کرنا چاہتا ہے کیونکہ پابندیاں اس کے لیے اچھی نہیں اور وہ بہت پریشان ہے۔

ٹرمپ نے دعوی کیا کہ اب دیکھنا ہوگا کہ اونٹ کس کروٹ بیٹھتا ہے۔امریکہ سے مذاکرات کے لیے ایران کے رجحان کے بارے میں ٹرمپ نے یہ دعوی ایسے وقت میں کیا ہے جب سیاسی مبصرین کا کہنا ہے کہ ایران میں امریکہ کے ساتھ مذاکرات کے رجحان کی کوئی علامت دکھائی نہیں دیتی۔ادھر سی این این نے اپنی ایک رپورٹ میں بتایا ہے کہ صدر ڈونلڈ ٹرمپ نے ایک ہفتے کے دوران اٹھہتر غلط دعوے کیے ہیں جن میں سے بہت سے دعوے ایران کے بارے میں تھے۔