SAHAR

روسی صدر ولادیمیرپوتن نے ہلسنکی میں فنلینڈ کے صدر سائولی نینیستو کے ساتھ مشترکہ پریس کانفرنس میں امریکا کے جدید میزائلی تجربے کے ردعمل میں کہا کہ ماسکو اپنی مکمل سیکورٹی کو یقینی بنانے کے لئے ایسا ہی اقدام کرے گا -

روسی صدر نے ایک بار پھر آئی این ایف معاہدے کے بارے میں ماسکو کے موقف کی وضاحت کرتے ہوئے کہا کہ اس معاہدے سے امریکا کی علیحدگی کا، مستقبل میں منفی نتیجہ برآمد ہوگا -

 

ولادیمیرپوتن نے روس میں مخالفین کے مظاہروں کو کچلے جانے کے بارے میں مغربی ملکوں کے موقف کو مسترد کرتے ہوئے فرانس میں گذشتہ چالیس ہفتے سے جاری مظاہروں کی جانب بالواسطہ اشارہ کرتے ہوئے کہا کہ ماسکو میں مظاہرے دنیا اور خاص طور پر یورپ میں کوئی انوکھا واقعہ نہیں ہیں -

فنلینڈ کے صدر نے بھی اس مشترکہ پریس کانفرنس میں کہا کہ دونوں ملکوں کے درمیان مختلف شعبوں میں تعاون سے متعلق مذاکرات کا ذکرکرتے ہوئے کہا کہ یورپی کونسل میں روس کی دوبارہ شمولیت کی ہم قدر کرتے ہیں۔