SAHAR

چینی دفتر کے خارجہ کے ترجمان نے بیجنگ میں نامہ نگاروں سے گفتگو کے دوران کینیڈین وزیراعظم جسٹن ٹروڈو کے اس بیان پر کہ اٹاوا بیجنگ کے سامنے نہیں جھکے گا اپنے ردعمل میں کہا کہ دونوں ملکوں کے تعلقات کو سنگین مشکلات کاسامنا ہے اور اس صورتحال کا ذمہ دار کینیڈا ہے۔ چینی دفتر خارجہ کے ترجمان نے ایک بار پھر کینیڈا سے مطالبہ کیا ہے کہ وہ چینی کمپنی ہواوے کی فنانشل ڈائکریٹر کو جنھیں گذشتہ سال دسمبر میں امریکا کے کہنے پر کینیڈا کی پولیس نے گرفتار کرلیا تھا چھوڑ دے۔ گذشتہ برس دسمبر میں کینیڈا کے شہر وینکور میں پولیس نے چینی کمپنی ہواوے کی فنانشل ڈائریکٹر منگ وانژو کو امریکا کے کہنے پر گرفتار کرلیا تھا جس کے بعد سے چین اور کینیڈا کے تعلقات کشیدہ ہوگئے۔ اس واقعے کے بعد چین نے بھی اپنے یہاں دو کینیڈین شہریوں کو جاسوسی کے الزام میں گرفتار کرلیا۔