SAHAR

انسانی حقوق کی عالمی تنظیم ایمنسٹی انٹرنیشنل نے گوگل اور فیس بک پر صارفین کی ذاتی معلومات فروخت کرنے کا الزام عائد کیا ہے۔

ایمنسٹی انٹرنیشنل نے کہا ہے کہ یہ کمپنیاں نگرانی کر کے شہریوں کی ذاتی معلومات جمع کرتی ہیں پھر ان معلومات کو اشتہاری اور کاروباری اداروں کے ہاتھوں فروخت کرتی ہیں۔

انسانی حقوق کی عالمی تنظیم نے یورپی یونین سے فیس بک اور گوگل کی بے لگام طاقت کو کنٹرول کرنے کا مطالبہ کیا ہے۔

ایمنسٹی انٹرنیشنل کی رپورٹ کے مطابق گوگل، فیس بک سمیت سوشل میڈیا کی کمپنیوں اور انٹرنیٹ کی ویب سائٹس کی طرف سے فراہم کردہ سروسز کی اہمیت کے باوجود لوگوں کو انہیں استعمال کرنے کی قیمت چکانا پڑ رہی ہے۔