امریکا میں ایک اور طیارہ تباہ 12 ہلاک و زخمی
Dec ۰۱, ۲۰۱۹ ۰۹:۵۵ Asia/Tehran
امریکہ میں مسافر بردار طیارہ گرنے کا سلسلہ جاری ہے اور اب ایک اور طیارہ گر کر تباہ ہوا ہے۔
امریکا میں ایک اور طیارہ گر کر تباہ ہوا جس کے نتیجے میں 2 بچوں سمیت 9 افراد ہلاک اور 3 زخمی ہو گئے ہیں۔
حادثہ امریکی ریاست ساؤتھ ڈکوٹا میں پیش آیا، چیمبر لین میونسپل ائیرپورٹ سے پی سی 12 ایئر کرافٹ اڑان بھرنے کے کچھ دیر بعد ہی گر گیا، امدادی ٹیموں نے زخمیوں کوہسپتال منتقل کر دیا ۔
حکام کے مطابق سنگل انجن طیارہ چیمبرلین سے اداہو فالز کے مقامی ائیرپورٹ کی جانب محو سفر تھا کہ موسم کی شدت کے سبب حادثے کا شکار ہو گیا۔ اس وقت علاقے میں ایک انچ فی گھنٹہ کے تناسب سے شدید برفباری جاری تھی، محکمہ موسمیات کے مطابق برفباری کے سبب حد نگاہ ایک میل سے بھی کم رہ گئی تھی۔ سول ایوی ایشن حکام کے مطابق جہاز گرنے کی مزید تفصیلات جاننے کی کوشش جاری ہے۔
