SAHAR

ارنا کی رپورٹ کے مطابق چین کی وزارت صحت کے اعلان کے مطابق گذشتہ چوبیس گھنٹوں کے دوران مزید اکیس سو افراد کورونا وائرس کا شکار ہوگئے ہیں اور یوں اس خطرناک وائرس سے پیدا ہونے والی بیماری میں مبتلا ہونے والوں کی تعداد چودہ ہزار پانچ سو ساٹھ تک پہنچ گئی ہے۔

بیجنگ کی چینگ ھوا یونیورسٹی کے محققین کی ٹیم نے اعلان کیا ہے کہ کورونا وائرس کے علاج کا واکسن کہ جسے ویروسووہان کہا جاے گا آئندہ چالیس دن میں تیار ہوجائے گا۔

 

چینگ ھوا یونیورسٹی کی تحقیقاتی ٹیم کے سربراہ چانگ لینچی کا کہنا ہے کہ اس وائرس کا علاج ایڈز میں مبتلا کرنے والے ایچ آئی وی وائرس کے ویکسن سے قدرے آسان ہے۔ ایک چینی ماہر اقتصادیات ژانگ مینگ نے اس بات کا ذکر کرتے ہوئے کہ کورونا وائرس نے اس ملک کے اقتصاد اور بعض ملکوں کی شیئر مارکیٹوں کو نقصان پہنچایا ہے اعلان کیا ہے کہ اگر یہ وائرس مارچ کے آخر تک پھیلتا رہا تو چین کی اقتصادی ترقی سن دوہزار بیس کی پہلی سہ ماہی میں پانچ فیصد کم ہوجائے گی۔

عالمی ادارہ صحت نے بھی بین الاقوامی ہنگامی حالت کا اعلان کرتے ہوئے چین میں اس وائرس کے پھیلاؤ کو تشویشناک قرار دیا اور اعلان کیا کہ اس ادارے کی سب سے بڑی تشویش ، کمزور حفظان صحت کے نظام کے حامل ملکوں میں کورونا وائرس کے پھیلنے کے امکان پر لاحق ہے۔

اسلامی جمہوریہ ایران کی وزارت خارجہ کے ترجمان سید عباس موسوی نے بھی اس بات کا ذکر کرتے ہوئے کہ ایران تک یہ وائرس نہیں پہنچا ہے اور اس کی علامتیں نہیں دیکھی گئی ہیں کہا کہ کورونا وائرس ایک عالمی المیہ ہے جسے جڑ سے ختم کرنے کے لئے سب کو ہی چین کی قوم اور حکومت سے تعاون کرنا چاہئے۔

چین میں گذشتہ دو ہفتوں سے کورونا وائرس پھیلنے کی وجہ سے اب تک ایئرکینڈا، ایئرانڈیا، ایئرسئول، ایئر تنزانیا اور امریکن ایئرلائنس سمیت مختلف ہوائی کمپنیوں نے چین جانے والی پروازیں منسوخ کردی ہیں۔ 

کورونا وائرس چین کے شہروں میں پھیلنے کے ساتھ ہی امریکہ، اسٹریلیا، تھائیلینڈ، ملیشیا، جنوبی کوریا، جاپان، کینیڈا، سوئیڈن، اسپین، فرانس اور متحدہ عرب امارات تک پہنچ گیا ہے اور ان ملکوں میں اس کی علامتیں دیکھی گئی ہیں۔