Apr ۰۹, ۲۰۲۰ ۰۹:۳۶ Asia/Tehran
  • امریکہ کورونا کو روکنے میں بری طرح ناکام، ہلاکتیں ساڑھے 14 ہزار

امریکہ میں کورونا سونامی نے تباہی مچا دی اور اس ملک میں کورونا سے ہلاکتوں کا تیز سلسلہ بدستور جاری ہے۔

آئی آر آئی بی کی رپورٹ کے مطابق امریکہ میں کورونا وائرس کے معاملے ہر روز بڑھتے ہی جا رہے ہیں اور گزشتہ 24 گھنٹے کے دوران مزید ہزاروں افراد کورونا میں مبتلا ہو چکے ہیں۔ اس طرح اس ملک میں کورونا سے متاثر ہونے والے افراد کی تعداد 4 لاکھ  35 ہزار 128 ہو گئی جبکہ ہلاکتوں کی تعداد بڑھ کر 14795 ہو گئی۔ جبکہ امریکی وزارت جنگ پنٹاگون میں کورونا میں 2 ہزار 657 فوجی اور اہلکار مبتلا ہوئے ہیں۔

امریکی حکومت نے دیگر ممالک کی بنسبت بہت دیر سے کورونا ٹیسٹنگ کا آغاز کیا ہے اور اس وقت کورونا بیماروں میں اچانک اضافے کے بعد امریکہ کے طبی مراکز کورونا ٹیسٹ کٹس کی قلت سے روبرو ہیں۔

عالمی ادارہ صحت نے گزشتہ ہفتے یہ خدشہ ظاہر کیا تھا کہ امریکہ دنیا میں کورونا وائرس کے پھیلاؤ کے اصل مرکز میں تبدیکل ہوسکتا ہے۔ اس وقت امریکہ کی تمام پچاس ریاستوں میں کورونا وائرس سرایت کر چکا ہے اور اس وبا کے متاثرین اور ہلاک ہونے والوں کی تعداد کے لحاظ سے امریکہ دنیا میں پہلے نمبر پر ہے۔

واضح رہے کہ گزشتہ برس دسمبر کے آخر میں چین کے ہوبئی صوبے سے کورونا وائرس کے معاملات سامنے آنے شروع ہوئے تھے مگر اب یہ وبا دنیا کے بیشتر ممالک میں پھیل چکی ہے۔

ٹیگس

کمنٹس