ٹرمپ، امریکہ کے بدترین صدر ہیں: امریکی سینیٹر
امریکی ریاست میسا چوسٹس کے سینیٹر نے کہا ہے کہ امریکہ کی تاریخ میں ٹرمپ سے برا صدر کوئی نہیں آیا۔
فارس خبر رساں ایجنسی کی رپورٹ کے مطابق سینیٹر الیزابتھ وارن" Elizabeth Warren نے ایک ٹوئیٹ میں امریکی صدر ٹرمپ پر کڑی نکتہ چینی کرتے ہوئے کہا کہ ڈونلڈ ٹرمپ امریکہ کی تاریخ کے بد ترین شخص ہیں۔
امریکی سینیٹر نے امریکی عوام کو مخاطب کرتے ہوئے کہا کہ اب وہ وقت آگیا ہے کہ ہم ہر سطح پر بدعنوانی کا خاتمہ کرتے ہوئے کچھ اس قسم کے اقدامات کریں جس کی وجہ سے حکام، عوام کے لئے کام کرنے پر مجبور ہوجائیں۔
واضح رہے کہ اس سے قبل امریکی سینیٹر برنی سینڈرز نے بھی ٹرمپ پر کڑی نکتہ چینی کرتے ہوئے انہیں امریکہ کی تاریخ کا بدترین صدر قرار دیا تھا۔
امریک صدر ڈونلڈ ٹرمپ کی متنازع پالیسی، اقدامات اور جنسی اسکینڈل اس بات کا باعث بنی کہ امریکی عوام اور سیاسی شخصیات یہ کہنے پر مجبور ہو جائیں کہ ٹرمپ صدارت کے قابل نہیں ہیں۔
