Dec ۰۳, ۲۰۲۰ ۰۰:۲۷ Asia/Tehran
  • یورپی یونین کی جانب سے ایرانی سائنسداں کے قتل کی مذمت پر اسرائيل چراغپا

اسرائیل کے وزیر انٹیلی جینس نے ایران کے سینیر ایٹمی سائنسداں کے قتل پر خوشی کا اظہار کرتے ہوئے یورپی یونین کی جانب سے اس قتل کی مذمت کیے جانے پر تنقید کی ہے۔

موصولہ اطلاعات کے مطابق صیہونی وزیر انٹیلی جینس ایلی کوہن نے اسرائيل فوج کے ریڈیو سے گفتگو کرتے ہوئے ایران کے ایٹمی سائنسداں محسن فخری زادہ کے قتل کی یورپی یونین کی جانب سے مذمت کیے جانے پر تنقید کی۔ انھوں نے یورپی یونین کی مذمت کرتے ہوئے دعوی کیا کہ یہ یونین ایران کے ایٹمی عزائم اور اس کی جانب سے ایٹمی معاہدے کی خلاف ورزیوں سے واقف ہے۔

ایلی کوہن نے یورپی یونین کی جانب سے ایران کے ایٹمی سائنسداں کے قتل کی مذمت کو مجرمانہ کارروائي قرار دیا اور کہا کہ ہم دیکھ رہے ہیں کہ یورپی یونین ایک اہم معاملے کو نظر انداز کر رہی ہے۔ اسرائيل کے وزیر انٹیلی جینس نے ایران کے ایٹمی سائنسداں کے قتل میں تل ابیب کے ملوث ہونے کے بارے میں صیہونی وزیر اعظم کے بیان کی طرف اشارہ کیے بغیر کہا کہ فخری زادہ کے قتل سے علاقے اور دنیا کی مدد ہوئي ہے۔

ٹیگس