جنوبی کوریا، کنٹینروں میں کورونا وارڈ بنانے پر مجبور
Dec ۱۱, ۲۰۲۰ ۱۲:۳۶ Asia/Tehran
جنوبی کوریا کے اسپتالوں میں جگہ کم پڑ گئی،جس کے بعد کنٹینروں میں کورونا وارڈ قائم کئے جارہے ہیں۔
جنوبی کوریا میں اسپتالوں اور طبی مراکز پر مریضوں کا بوجھ کم کرنے کے لیے عارضی کورونا سینٹر قائم کئے جارہے ہیں۔
جنوبی کوریا نے کورونا وائرس کی تیسری لہر کے دوران اسپتالوں میں مریضوں کے ہجوم کو کم کرنے کے لیے کنٹینروں میں عارضی طبی مراکز قائم کر لیے ہیں۔
اس سے قبل دارالحکومت سیئول میں اسپتالوں میں جگہ نہ ہونے کے باعث کورونا وائرس سے مبتلا 500 مریضوں کو گھروں میں قرنطینہ ہونے کی ہدایت کی گئی تھی۔
تازہ اطلاعات کے مطابق حکام نے اب تک 48 کنٹینر نصب کیے ہیں، جب کہ مزید کنٹینروں کی تنصیب کا کام بڑی تیزی کے ساتھ جاری ہے۔
