پاکستان کے خلاف سیریز کے لئے نیوزی لینڈ کی ٹیم کے ناموں کا اعلان
ٹی ٹوئنٹی ہوم سیریز، نیوزی لینڈ نے اپنی ٹیم کے تعلق سے مکمل تفصیلات جاری کردی ہیں۔
دسمبر کے تیسرے ہفتے کے آغاز میں ہوم ٹی ٹوئنٹی سیریز کے لیے نیوزی لینڈ نے باضابطہ طور پر اپنی ٹیم کا اعلان کر دیا ہے۔
تفصیلات کے مطابق 18دسمبر سے شروع ہونے والی ہوم ٹی ٹوئنٹی سیریز کے لیے جس ٹیم کا اعلان کیا گیا ہے اس میں کپتان کین ولیمسن پہلے بچے کی ممکنہ پیدائش کے پیش نظر پہلے ٹی ٹوئنٹی میں شرکت نہیں کر سکیں گے۔
3 میچوں کی سیریز کے پہلے مقابلے میں لیفٹ آرم اسپنر مچل سینٹنر جب کہ دوسرے اور تیسرے ٹی ٹوئنٹی میں کین ولیمسن کپتان ہوں گے۔
کیویزا اسکواڈ میں مارٹن گپٹل، اسکاٹ کگلین، گلین فلپس ایش سوڈھی، ٹم سائیفرٹ، ٹوڈ ایسٹل، ڈوگ بریسویل، مارک چیپمین، ڈیون کانوے، جیکب ڈفی اور بلیئر ٹکنر شامل ہیں۔
سابق کپتان روس ٹیلر کو ٹیم سے ڈراپ کر دیا گیا ہے جب کہ لوکی فرگوسن اور ہمیش بینیٹ ان فٹ ہونے کی وجہ سے کیوی ٹیم میں جگہ نہیں بنا پائے۔
علاوہ ازیں ٹرینٹ بولٹ، ٹم سائوتھی ، کائل جیمی سن اور ڈیرل مچل ویسٹ انڈیز کے ٹیسٹ میچ کی وجہ سے پاکستان کے خلاف پہلے ٹی ٹوئنٹی مقابلے میں حصہ نہیں لے سکیں گے۔
واضح رہے کہ پاکستان اور نیوزی لینڈ کے خلاف پہلے ٹی 20 اور پھر ون ڈے میچز کی سیریز کھیلی جائے گی، پہلا ٹی ٹوئنٹی میچ 18 دسمبرکو آکلینڈ جب کہ دوسرا ٹی ٹوئنٹی میچ 20 دسمبرکو ہیملٹن اور تیسرا ٹی ٹوئنٹی میچ 22 دسمبر کو نیپئر میں کھیلا جائے گا جس کے بعد 2 ٹیسٹ میچیز کی سیریز شیڈول ہے۔
