امریکہ، نائٹ پارٹی میں فائرنگ، 4 ہلاک 27 زخمی
امریکہ کے شہر شیکاگو میں نائٹ پارٹی کے دوران ہونے والی فائرنگ میں چار افراد ہلاک اور ستائیس زخمی ہوگئے
شیکاگو پولیس کے مطابق، فائرنگ کا یہ واقعہ مقامی وقت کے مطابق اتوار اور پیر کی درمیانی رات ایک آٹو موبائل ورکشاپ میں پیش آیا جسے عارضی طور پر نائٹ پارٹی کے لیے استعمال کیا جارہا تھا۔
تاحال حملہ آور یا حملہ آوروں کے بارے میں کوئی معلومات پولیس کی جانب سے جاری نہیں کی گئی اور نہ ہی واقعے کی تفصیلات بیان کی گئی ہیں۔
امریکہ کو ان دنوں اغوا برائے تاوان اور مسلح حملوں جیسے واقعات کی شدید لہروں کا سامنا ہے۔ ہر سال پورے امریکہ میں پیش آنے والے فائرنگ کے ہزاروں واقعات میں کئی ہزار افراد ہلاک اور زخمی ہو جاتے ہیں۔
سرکاری سطح پر جاری ہونے والے اعداد و شمار کے مطابق دو کروڑ ستر لاکھ سے تین کروڑ ہتھیار، لوگوں کے پاس موجود ہیں جس سے پتہ چلتا ہے کہ امریکہ میں تقریبا ہرشخص کے پاس ایک آتشیں اسلحہ موجود ہے۔
