SAHAR

پیونگ یانگ نے شمالی کوریا کے ساتھ رابطہ برقرار کرنے کے لئے امریکہ کی درخواست کو ایک فریب اور وقت ضائع کئے جانے سے تعبیر کیا ہے۔

شمالی کوریا کی سرکاری نیوز ایجنسی کی رپورٹ کے مطابق پیونگ یانگ نے اعلان کیا ہے کہ واشنگٹن نے ایمیل اور ٹیلیفون کے ذریعے شمالی کوریا کے ساتھ رابطے کی برقراری کی درخواست کی ہے تاہم پیونگ یانگ اس طرح کی درخواست کو وقت کی بربادی سمجھتا ہے۔

پیونگ یانگ نے علاقے میں امریکہ کی فوجی مشقوں اور شمالی کوریا کے خلاف اس کی جاری پابندیوں کی طرف اشارہ کرتے ہوئے کہا ہے کہ جب تک امریکہ کی دشمنانہ پالیسیاں جاری ہیں اس قسم کے رابطوں کی درخواست کوئی اہمیت نہیں رکھتی۔

پیونگ یانگ نے کہا ہے کہ شمالی کوریا، نیک نیتی کا جواب نیک نیتی سے دیتا ہے تاہم وہ دھونس دھمکی میں نہیں آئے گا۔