SAHAR

نیوزی لینڈ نے کورونا کے پھیلاؤ کے باعث ہندوستان سے مسافروں کی آمد پر پابندی عائد کردی ہے -

رویٹر کی رپورٹ کے مطابق نیوزی لینڈ کی وزیراعظم نے جمعرات کو ایک پریس کانفرنس میں کہا کہ جنوری کے آخری دنوں سے اب تک اس ملک میں روزانہ کورونا کے مریضوں کی اوسط تعداد دو یا تین رہی ہے اور اب نیوزی لینڈ میں ہندوستانی مسافروں کی آمد پرعارضی طور پر پابندی لگائی جا رہی ہے ۔

نیوزی لینڈ کی وزیراعظم نے کہا کہ اس فیصلے کو گیارہ اپریل سے اٹھائیس اپریل تک نافذ کیا جائے گا ۔

حکومت نیوزی لینڈ نے یہ فیصلہ اس ملک میں کورونا کے تئیس نئے مریضوں کا پتہ چلنے کے بعد کیا ہے جن میں سے سترہ ہندوستان سے پہنچے تھے ۔ ہندوستان کو اس وقت کورونا کی نئی لہر کا سامنا ہے۔