SAHAR

چینی وزیر خارجہ نے اعلان کیا ہے کہ امریکہ نے اگر اب بھی دوسرے ملکوں سے برابری کی بنیاد پر ملنا نہیں سیکھا تو چین عالمی برادری کے ساتھ مل کر اسے سبق سکھائے گا۔

گلوبل ٹائمز کی رپورٹ کے مطابق چینی وزیر خارجہ وانگ یی نے امریکی دفتر خارجہ کے اس بیان کے ردعمل میں کہ امریکہ چین کے ساتھ مذاکرات میں اپر ہینڈ ہو کر بات کرے گا، کہا کہ دنیا میں کوئی بھی ملک کسی دوسرے ملک پر برتری نہیں رکھتا اور چین کسی ملک کو ایسا سمجھنے کی ہرگز اجازت نہیں دے گا۔

انہوں نے کہا کہ امریکہ ہمیشہ دیگر ملکوں پر حاوی ہونے کی کوشش کرتا ہے تاہم امریکیوں کو سمجھ لینا چاہئے کہ چین ایسا ہرگز نہیں ہونے دے گا۔