ٹوکیو میٹرو میں چاقو سے حملہ، 10 افراد زخمی
Aug ۰۷, ۲۰۲۱ ۱۰:۲۳ Asia/Tehran
ٹوکیو میں جہاں اولمپک کھیل ہو رہے ہیں اور پوری دنیا کی نگاہیں اولمپک سٹی پر جمی ہوئی ہیں وہیں ٹوکیو کے جنوب مغربی شہر کے نواحی علاقے کی ایک میٹرو ٹرین پر چاقو بردار شخص نے حملہ کر دیا جس میں 10 افراد زخمی ہوگئے۔
جاپان کی پولیس نے حملہ آور شخص کو گرفتار کرنے کی اطلاع دی ہے۔
اس واقعے کے فورا بعد دو اسٹیشنوں کے درمیان ٹرین روک دی گئی اور مطلوبہ شخص ٹرین سے کود کر فرار ہو گیا۔ خبروں میں بتایا گیا کہ ملزم فرار ہوتے وقت اپنا موبائیل فون اور ہتھیار چھوڑ گیا تھا لیکن تھوڑی دیر بعد پولیس نے ملزم کو گرفتار کر لیا۔
