SAHAR

سابق امریکی صدر ٹرمپ نے اس راز سے پردہ اٹھا لیا کا ماضی میں امریکی کانگریس پر اسرائیل کا کنٹرول تھا۔

فارس خبر رساں ایجنسی کی رپورٹ کے مطابق سابق امریکی صدر ٹرمپ نے کہا ہے کہ 10 سے 15 سال قبل تک امریکی کانگریس پر اسرائیل کا کنٹرول تھا تاہم اب ایسا نہیں ہے۔

سابق امریکی صدر نے یہ بیان ایسے میں دیا ہے کہ ان کے دور حکومت میں اسرائیل نوازی اپنے انتہا کو پہنچ چکی تھی اور اسرائیل کی ہر سطح پر حمایت کی جا رہی تھی۔

ٹرمپ نے اپنے دور حکومت میں صیہونیوں کو خوش کرنے کیلئے مقبوضہ جولان پر اسرائیل کے قبضے کو سرکاری طور پر تسلیم کیا، امریکی سفارتخانے کو تل ابیب سے مقبوضہ بیت المقدس منتقل کیا اور اسرائیل کے اس وقت کے وزیر اعظم بن یامین نیتن یاہو کے کہنے پر جوہری معاہدے سے نکل گیا۔