یوکرین میں روسی فوج کے زیر کنٹرول علاقوں میں ریفرنڈم
یوکرین میں روسی فوج کے زیر کنٹرول علاقوں میں ریفرنڈم ہو رہا ہے۔
یوکرین میں روسی فوج کے زیر کنٹرول علاقوں ڈونیٹسک اور لوہانسک میں آج سے ریفرنڈم کا آغاز ہو رہا ہے جو منگل تک جاری رہے گا، صدر پوتین ریفرنڈم کی بنیاد پر زیر کنٹرول علاقوں کو روس میں شامل کرنے کا اعلان کریں گے۔
ریفرنڈم کے بعد یہ علاقے روس میں شامل ہو جائیں گے اور پھر یوکرینی فورسز کا حملہ روس پر حملہ تصور کیا جائے گا۔
اگر لوہانسک اور دیگر علاقے روس میں شامل ہو گئے تو امریکہ اور یورپی ممالک کیلئے صورتحال مزید خطرناک رخ اختیار کر جائے گی، یوکرینی فورسز پہلے ہی ڈونٹیسک شہر کے گرد جمع ہو چکی ہیں، شہر پر یوکرینی فورسز کے میزائل حملوں میں 6 افراد ہلاک ہو گئے ہیں۔
ریفرنڈم کے بعد حالات کیا رخ اختیار کرتے ہیں یہ تو آنے والا وقت ہی بتائے گا تاہم روسی صدر ولادیمیر پوتین کہہ چکے ہیں کہ روس اپنی سرزمین کی حفاظت کے لیے کسی بھی حد تک آگے بڑھ سکتا ہے۔
