SAHAR

قطر پر انسانی حوالے سے تنقید کو فیفا کے صدر نے یورپ کی منافقت قرار دیا ہے ۔

قطر کے دارالحکومت دوحہ میں ایک پریس کانفرنس سے خطاب میں فیفا کے صدر گیانی انفانٹینو نے قطر کا بھرپور دفاع کیا۔ انھوں نے کہا کہ فیفا ورلڈکپ کی میزبانی کی اہلیت کے تعلق سے قطر پر پہلے دن سے سخت سوالات اٹھائے گئے ۔ فیفا کے صدر کا کہنا تھا کہ یورپ کو اس حوالے سے قطر پر سوال اٹھانے کا کوئی حق نہیں ہے۔
فیفا کے صدر انفانٹینو نے کہا کہ دنیا کو اخلاقیات کے سبق سکھانے سے پہلے یورپ والوں کو گزشتہ تین ہزار برس سے ہم جو کچھ کررہے ہیں، اس کے لئے ، ہمیں آئندہ تین ہزار برس تک معافی مانگنی چاہئے۔
فیفا کے صدر نے کہا کہ ہمیں یقین ہے کہ ٹورنا منٹ کے آغاز کے ساتھ ہی سب کی توجہ فٹبال پر ہوگی ۔