فٹ بال ورلڈ کپ 2022 کا ناک آؤٹ مرحلہ شروع
Dec ۰۳, ۲۰۲۲ ۰۹:۳۴ Asia/Tehran
فٹ بال کے شائقین اب 32 ٹیموں کے بجائے 16 ٹیموں کے مابین مقابلہ دیکھیں گے جو آج سے شروع ہو رہا ہے۔
سحر نیوز/اسپورٹس: قطر ورلڈ کپ 2022 میں گروپ میچز کا سلسلہ اختتام کو پہنچ گیا اور ورلڈ کپ فٹ بال اب اپنے ناک آؤٹ مرحلے میں داخل ہوگیا ہے۔ اب اس مرحلے میں آنے کے بعد ٹیموں کے سامنے جیتنے کے علاوہ کوئی چارہ نہیں رہ گیا اور انہیں اپنی شکست کی صورت میں واپس اپنے ملک لوٹ جانا ہوگا۔
16 ٹیموں نے ناک آؤٹ مرحلے کیلئے کوالیفائی کرلیا جس کا آغاز آج سے ہو رہا ہے۔
راؤنڈ آف سکسٹین (16) کی لائن اپ مکمل ہوگئی ہے جس کے پہلے دو میچز آج کھیلے جائیں گے، گروپ اے کی ٹاپ ٹیم نیدرلینڈز کا مقابلہ گروپ بی کی دوسرے نمبر کی ٹیم امریکا سے ہوگا ۔
دوسرا میچ آج رات گروپ سی کی ونر ٹیم ارجنٹینا کا گروپ ڈی کی دوسری پوزیشن حاصل کرنے والی ٹیم آسٹریلیا سے ہوگا۔
