SAHAR

مراکش فٹبال فیڈریشن نے سیمی فائنل میں فرانس کے ساتھ ہونے والے میچ کے ریفری کے خلاف فیفا میں شکایت دائر کردی ہے۔

سحرنیوز/دنیا: قطر ورلڈکپ میں حیران کن کارکردگی کا مظاہرہ کرنے والی ٹیم مراکش، سیمی فائنل میں دفاعی چیمپین فرانس کے خلاف میچ دو گول سے ہار گئی تھی۔ 
مراکش کی فٹبال فیڈریشن کے جاری کردہ بیان میں کہا گیا ہے کہ ریفری نے کھیل کے پہلے ہاف میں فرانس کے خلاف دو پنالٹی ککس کا اعلان نہیں کیا اور وے اے آر روم میں بیٹھے ریفریوں نے بھی اس بات کو نظر انداز کیا۔ 
مراکش کا کہنا ہے کہ اس نے میکسیکو سے تعلق رکھنے والے ریفری سزر راموس کے خلاف فیفا میں شکایت دائر کردی ہے۔