یوکرین کے ساتھ امن مذاکرات منقطع ہونے کی وجہ امریکہ ہے: روس
Aug ۰۸, ۲۰۲۳ ۱۷:۵۶ Asia/Tehran
روس کی وزارت خارجہ کی ترجمان ماریا زاخا رووا نے کہا ہے کہ یوکرین کے ساتھ امن مذاکرات کا سلسلہ منقطع ہونے کی وجہ امریکہ ہے جو علاقے میں امن نہیں چاہتا۔
روس کی وزارت خارجہ کی ترجمان ماریا زاخا رووا نے امریکی حکومت کو دروغ گو قرار دیتے ہوئے کہا ہے کہ خود واشنگٹن نے کی ایف کو ہدایات دی ہیں کہ وہ امن مذاکرات کا سلسلہ منقطع کرے اور اس کے بعد وہ امن مذاکرات کے ناکام ہونے کا ذمہ دار ماسکو کو قرار دینے کی کوشش کر رہا ہے۔
ماریا زاخا رووا نے کہا کہ روس یوکرین مذاکرات انجام نہ پانے کی وجہ کے بارے میں امریکی دعوی جھوٹا ہے۔
واضح رہے کہ امریکی ترجمان وزارت خارجہ میتھیو ملر نے دعوی کیا تھا کہ روس کی جانب سے مخالفت کی بنا پر روس یوکرین امن مذاکرات کا سلسلہ منقطع ہوا۔
