SAHAR

شمالی کوریا خلاء میں جاسوسی سیٹلائیٹ بھیجنے کی کوششیں جاری رکھے ہوئے ہے اور اس کی دوسری کوشش بھی ناکام ہو گئی ہے۔

سحرنیوز/دنیا: مھر نیوز نے شمالی کوریا کی سرکاری نیوز ایجنسی کے حوالے سے لکھا ہے کہ خلاء میں سیٹلائیٹ بھیجنے کی اس کی ایک اور کوشش ناکام ہو گئی ہے۔ رپورٹ کے مطابق پیونگ یانگ نے آج ایک خلائی راکٹ کے ذریعے جاسوسی سیٹلائیٹ بھیجنے کی کوشش کی تاہم تیسرے مرحلے میں راکٹ کی خرابی کے باعث یہ مشن بھی ناکام ہو گیا- جب کہ شمالی کوریا کے فضائی تحقیقات کے ادارے ناڈا (NADA) نے اس حوالے سے تحقیقات کا آغاز کر دیا ہے۔ شمالی کوریا کی جانب سے خلاء میں جاسوسی سیٹلائیٹ بھیجنے کی ایک ماہ میں یہ دوسری کوشش تھی۔