پاکستان کی طرف سے ایران میں دہشت گردانہ کارروائیوں کے خلاف 12 جنوری کی ریلیوں میں عوام کی بھرپور شرکت کی ستائش

Jan ۱۳, ۲۰۲۶ ۱۲:۰۵ Asia/Tehran

پاکستان کے وزیر دفاع نے ایران کے بعض علاقوں میں ہونے والی بدامنی اور دہشت گردانہ کارروائیوں کے خلاف 12 جنوری کو نکالی گئیں ریلیوں کی ستائش کرتے ہوئے کہا ہے کہ ایران ہمیشہ سے پاکستان کا عزیز برادار اور ہمسایہ ملک رہا ہے۔

سحرنیوز/پاکستان: اسلام آباد سے ارنا کی رپورٹ کے مطابق پاکستان کے وزیر دفاع خواجہ محمد آصف نے اپنے سوشل میڈیا پلیٹ فارم ایکس پر اپنی پوسٹ میں ایران کے بعض علاقوں میں ہوئیں حالیہ دہشت گردانہ اور شر پسندانہ کارروائیوں کے خلاف اور اسلامی جمہوری نظام کی حمایت میں پورے ایران میں 12 جنوری کو ہوئیں پرشکوہ ریلیوں کی تصاویر شائع کی ہیں اور ان ریلیوں میں ایرانی عوام کی بھرپور شرکت کو سراہا ہے۔

پاکستانی وزیر دفاع نے اپنی پوسٹ میں لکھا ہے کہ ایران ہمیشہ سے ہمارا عزیز برادر اور ہمسایہ ملک رہا ہے اور اس کی سلامتی پاکستان کی دلی خواہش رہی ہے۔

انہوں نے کہا کہ ایران کی سلامتی، آزادی و خودمختاری اور اس کی قومی حاکمیت ہمارے لئے ہمیشہ عزیز رہی ہے۔

ہمیں فالو کریں:

قابل ذکر ہے کہ امریکہ اور غاصب اسرائیل کے حمایت یافتہ مسلح دہشت گردوں کی دہشت گردی اور جارحانہ کارروائیوں کے خلاف اور اسلامی جمہوری نظام کی حمایت میں 12 جنوری کو تہران اور دیگر ایرانی شہروں میں نکالی گئیں پرشکوہ ریلیوں کی مختلف تصاویر اور ویڈیوفلمیں پاکستان کے سوشل میڈیا چینلوں پر زبردست وائرل ہورہی ہیں اور صارفین، دشمنوں کے ایرانو فوبیا منصوبے کی ایک بار پھر ناکامی پر اظہار مسرت کر رہے ہیں۔