SAHAR

امریکی نیشنل سیکورٹی کونسل کے ترجمان جان کربی نے کہا ہے کہ امریکہ صیہونیوں کے ساتھ مل کر نہ جنگ کرنے کا کوئی منصوبہ رکھتا ہے اور نہ ہی اس کا کوئی ارادہ ہے۔

سحرنیوز/دنیا: اسپوتنیک کی رپورٹ کے مطابق امریکی وائٹ ہاؤس کے ترجمان جان کربی نے ایک پریس کانفرنس کے دوران بات کرتے ہوئے کہا کہ امریکہ کو فلسطین میں جاری جنگ میں صیہونیوں کے ساتھ مل کر لڑنے کا کوئی ارادہ نہیں ہے اور نہ ہی ان کا کوئی ایسا منصوبہ ہے۔
جان کربی نے مزید کہا ہے کہ صیہونی ریاست نے بھی ان سے ایسی کوئی درخواست نہیں کی۔
امریکی وائٹ ہاؤس کے ترجمان کا یہ بیان ایسے وقت میں سامنے آیا ہے جب امریکہ نے اپنی ایئرکرافٹ کیریئر اور اسٹرائیک گروپ کو صیہونی ریاست کی حفاظت کےلئے علاقے میں تعینات کر دیا ہے جب برطانیہ نے اپنی جنگی کشتیاں علاقے میں بھیجنے کا اعلان کیا ہے۔