SAHAR

صیہونی فوج نے غزہ کے شمالی علاقے میں ہونے والی جھڑپوں میں، اپنے دو اور فوجیوں کی ہلاکت کی تصدیق کی ہے۔

سحرنیوز/دنیا: صیہونی فوج نے ایک بیان میں کہا ہے کہ ان دو اسرائیلی فوجیوں میں ایک فرسٹ سارجنٹ اور ایک میجر شامل ہے جبکہ ایک فوجی زخمی بھی ہوا ہے۔
ان دو صیہونی فوجیوں کی ہلاکت کے ساتھ اب غزہ میں زمینی جنگ کے آغاز سے اب تک ہلاک ہونے والے صیہونی فوجیوں کی تعداد پینتالیس ہو گئی ہے جس کا اعتراف خود صیہونی فوج نے بھی کیا ہے۔ یہ اعداد و شمار وہ ہیں کہ جن کا اعلان صیہونی حکومت نے کیا ہے جبکہ ہلاک ہونے والے صیہونی فوجیوں کی تعداد اس سے کہیں زیادہ ہے اور زخمی ہونے والے صیہونی فوجیوں میں کئی حالت نازک بنی ہوئی ہے جس سے ہلاک ہونے والے صیہونی فوجیوں کی تعداد میں کہیں زیادہ اضافہ ہو سکتا ہے۔