ہزاروں صہیونی اسرائیل سے فرار ہونے کے خواہشمند ہیں، عبرانی میڈیا کی رپورٹ
Oct ۰۹, ۲۰۲۴ ۱۱:۴۳ Asia/Tehran
اسرائیلی اخبار نے کہا ہے کہ اسلامی استقامتی فورسز کی جانب سے مقبوضہ فلسطین کے مختلف شہروں پر میزائل حملوں میں شدت آنے کے بعد ہزاروں صہیونی اسرائیل سے فرار ہونے کی خواہش رکھتے ہیں۔
سحرنیوز/دنیا: مہر خبررساں ایجنسی کی رپورٹ کے مطابق، صہیونی اخبار معاریو نے اسلامی استقامتی فورسز کی جانب سے حالیہ دنوں میں اسرائیلی شہروں پر حملوں میں شدت آنے کے بعد صہیونیوں میں معکوس مہاجرت کی شرح بڑھنے کا انکشاف کیا ہے۔
رپورٹ کے مطابق ہر مہینے میں 2200 صہیونی اسرائیل سے فرار ہو رہے ہیں۔ عبرانی اخبار نے مزید کہا ہے کہ ایک صہیونی ادارے کے سروے کے مطابق مقبوضہ علاقوں میں آباد ایک چوتھائی صہیونی اسرائیل چھوڑ کر جانا چاہتے ہیں۔
