امریکی صدر ڈونالڈ ٹرمپ کے دور اقتدار میں امیگرریشن مراکز کی حراست میں اموات 140 فیصد تک بڑھ گئی ہیں۔

سحرنیوز/دنیا: میڈیا رپورٹوں کے مطابق ہیومین رائٹس واچ کی ایک چونکا دینے والی رپورٹ سامنے آئی ہے جس میں بتایا گیا ہے کہ ڈونلڈ ٹرمپ کی موجودہ مدت صدارت میں امریکہ میں امیگریشن حراستی اموات میں 140 فی صد اضافہ ہوا ہے۔

ہیومین رائٹس واچ اور فزیشنز فار ہیومین رائٹس کی تازہ رپورٹ کے مطابق، صدر ڈونالڈ ٹرمپ کی دوسری مدتِ صدارت کے دوران امریکی امیگریشن حراستی مراکز کے اندر اموات کی تعداد میں تیزی سے اضافہ ہوا ہے۔ ’’ بڑھتے ہوئے امریکی امیگریشن حراستی نظام میں بڑھتی ہوئی اموات‘‘ کے عنوان سے 73 صفحات پر مشتمل اس رپورٹ میں کہا گیا ہے کہ ٹرمپ کے وائٹ ہاؤس واپس آنے کے پہلے500 دن کے دوران امیگریشن اور کسٹمز انفورسمنٹ، آئی سی ای،  کی حراست میں 52 افراد کی موت ہوگئی۔

یہ گزشتہ اعداد و شمار کے مقابلے میں حیران کن 140 فیصد کا اضافہ ہے۔ یہ نتائج اس وقت سامنے آئے ہیں جب انتظامیہ نے حراستی کارروائیوں میں نمایاں توسیع کی ہے۔

رپورٹ کے مطابق، آئی سی ای سہولیات میں روزانہ اوسط قیدی آبادی ایک سال کے اندر تقریباً 40 ہزار سے بڑھ کر71 ہزار سے زیادہ ہو گئی، جو کہ 77 فیصد کا اضافہ ہے۔ اسی عرصے میں، حراست میں اموات کی شرح میں 140 فیصد اضافہ ہوا۔

ہمیں فالو کریں:  

Follow us: Facebook, X, instagram, tiktok  whatsapp channel