بنگلہ دیش کرکٹ بورڈ اور ائی سی سی کے درمیان کئی معاملات پر تفاہم
بنگلادیش کرکٹ بورڈ (بی سی بی) نے انٹرنیشنل کرکٹ کونسل (آئی سی سی) کے ساتھ رابطے کا اعلامیہ جاری کر دیا۔
سحرنیوز/کھیل: تفصیلات کے مطابق، بنگلادیش کرکٹ بورڈ کے اعلامیے میں کہا گیا ہے کہ آئی سی سی کی جانب سے جواب موصول ہوا ہے، بی سی بی نے ہندوستان میں ٹی ٹوئنٹی ورلڈ کپ میں شرکت کے حوالے سے خدشات کا اظہار کیا تھا۔ بی سی بی نے کہا کہ بی سی بی نے بنگلادیش کے میچز منتقل کرنے کی بھی درخواست کی تھی، آئی سی سی نے جواب میں اس بات کو دہرایا کہ بنگلادیش ٹیم کی ورلڈ کپ میں شرکت کو کسی رکاوٹ کے بغیر یقینی بنایا جائے گا۔
اعلامیے میں کہا گیا ہے کہ آئی سی سی نے بی سی بی کے ساتھ تحفظات کے حوالے سے مل کر کام کرنے پر رضا مندی ظاہر کی ہے، بورڈ کے تحفظات کو زیرِ غور لانے پر بھی رضا مندی ظاہر کی گئی ہے۔ بی سی بی کا کہنا ہے کہ میڈیا میں بنگلادیش بورڈ کو الٹی میٹم دینے کی خبریں گردش کر رہی ہیں ان میں کوئی صداقت نہیں یہ سب غلط ہیں، آئی سی سی کی کمیونیکیشن کو سیاق وسباق سے ہٹ کر رپورٹ کیا گیا ہے۔
ہمیں فالو کریں:
Follow us: Facebook, X, instagram, tiktok whatsapp channel
اعلامیے میں کہا گیا ہے کہ بنگلادیش کرکٹ بورڈ آئی سی سی اور متعلقہ اتھارٹیز کے ساتھ تعمیری انداز میں رابطے جاری رکھے گا۔
