SAHAR

یہ پہلے خط ارسال کیا ہے پاکستان کے صوبے سندھ کے شہر ٹنڈو الہیار سے رسول بخش رند صاحب نے

وہ لکھتے ہیں کہ ریڈیو تہران کی نشریات پابندی کے ساتھ سنی جارہی ہے آواز کی کیفیت قدرے اچھی ہے ، سارے پروگرام اچھے جارہے ہیں کافی دنوں بعد خط ارسال کررہا ہوں ، جب خط لکھنے لگتے ہیں تو سمجھ نہیں آتا کہ کیا لکھیں ، کورونا نے بھی ہمارے دل و دماغ کے سوچنے اور سمجھنے کی صلاحیت بالکل ختم کردی ہے ، ہر طرف پریشانی ہی پریشانی ہے ، ٹی وی دیکھو کورنا ریڈیو سنو کورونا ، پتہ نہیں اس سے کب جان چھوٹے گی۔ ریڈیو تہران کی خبریں اور تبصرے سن کر کچھ محسوس ہوتا ہے کہ دنیا میں کورنا کے علاوہ بھی بہت کچھ ہورہا ہے۔ خیر مجھے معاف فرمائیں کہ کہاں سے کہاں نکل گيا، سامعین دوستوں کے خطوط اور پیغامات جب پروگرام بزم دوستاں سے نشر ہوتے ہیں تو ایک نئی دنیا کا احساس ہوتا ہے، ریڈیو تہران اپنے سامعین سے بہت پیار کرتا ہے۔