SAHAR

یہ خط ارسال کیا ہے ہندوستان کے ہندوستان کی ریاست مہاراشٹر کے صدر مقام ممبئی سے محمد یوسف صاحب نے

لکھتے ہیں کہ کافی دنوں کے بعد خط لکھ رہا ہوں امید ہے اتنی لمبی غیر حاضری کو معاف فرمائیں گے۔ ریڈیو تہران کے تمام پروگرام پابندی کے ساتھ سن رہا ہے اور بعض پروگراموں کو پابندی کے ساتھ مختلف واٹس ایپ گروپس میں ارسال بھی کرتا ہوں ، ماہ مبارک رمضان کے تو تقریبا تمام پروگراموں کو ایپ لوڈ کر کے واٹس ایپ گروپس میں شیئر کرتا رہا ہوں، مجھے ریڈیو تہران اردو سروس کے سارے پروگرام بہت اچھے لگتے ہیں۔

میں یہاں پر بزم دوستاں کی ٹیم کا خاص طور پر شکریہ ادا کرنا چاہوں گا کہ جہنوں نے کورنا وائرس کے حوالے سے آگاہی فراہم کی اور اپنے گذشتہ چند پروگرام میں تمام سامعین کو انسداد کورونا مہم میں اپنا حصہ ڈالنے کی تاکید کی، ویسے ہماری ریاست میں کورونا اپنے پنجے جمع رکھے ہیں ہر گزرتے دن کے ساتھ کورونا میں مبتلا ہونے والوں کی تعداد میں اضافہ ہورہا ہے، میری بھی تمام دوستوں سے ریڈیو تہران کے توسط سے گزارش ہے کہ احتیاط کریں اور بلا ضرورت گھروں سے باہر نہ آئيں۔  آخر میں تمام دوستوں سے درخواست ہے کہ اپنی دعاؤں میں مجھ سمیت تمام دوستوں کو بزرگواروں کو یاد رکھیں اور دعا کریں کہ اس وائرس کا خاتمہ جلد از جلد اس دنیا سے ہو۔