SAHAR

یہ خط ارسال کیا ہے محمد نواز شیخ صاحب نے پاکستان کے صوبے سندھ کے شہر ٹنڈوجام سے

لکھتے ہیں کہ شاید آپ کے لئے یہ بات تعجب کا باعث ہوکہ میری عمر انیس سال ہے، لیکن میں ریڈیو سننے کا شوقین ہوں، اور مختلف ریڈیو اسٹیشنوں سے رابطہ برقرار کررکھا ہے۔ حال ہی میں ہمارے شہر کے ایک دوست نے ریڈیو تہران متعارف کروایا ہے۔ آپ کو خط اس لئے تحریر کررہا ہوں کہ ٹیسٹ کرسکون کہ آیا آپ خطوط کے جواب دیتے ہیں یا نہیں، ویسے ریڈیو  تہران کی نشریات زیادہ نہیں سنی ، چند مرتبہ خبریں اور دیگر پروگرام سننے کا موقع ملا ہے۔ سارے پروگرام اچھے اور معیاری ہیں۔

ایران ہمارا ہمسایہ ملک ہے ہمیں ایران سے بہت محبت ہے۔ ریڈیو کے حوالے سے اردو نشریات سن کر مجھے بہت اچھا لگا، فارسی زبان بھی بہت اچھی زبان ہے۔