SAHAR

یہ خط ارسال کیا ہے پاکستان کے صوبہ خیبر پختونخواہ کے علاقے پارہ چنار سے قاسم علی بنگش نے

لکھتے ہیں کہ محرم الحرام کی آمد سے قبل ہی دشمنان اسلام نے مسلمانوں کے درمیان فرقہ وارانہ کشیدگی پیدا کرنے کے لئے اپنی کوششیں تیز کردی ہیں اور حالات کو جان بوجھ کر خراب کیا جارہا ہے جبکہ یہ ایسے میں ہے کہ مسلمانوں کے تمام مسالک نواسہ رسول حضرت امام حسین علیہ السلام کی شہادت کی مناسبت سے پروگراموں کا انعقاد کرتے ہیں اور غم مناتے ہیں۔ لیکن اسلام دشمن قوتیں انہی ایام میں سرگرم نظر آتی ہیں اور مختلف بہانوں سے مسلمانوں کے درمیان اختلافات کو ہوا دینے کی کوشش کرتی ہیں۔ ریڈیو تہران کی جانب سے اتحاد بین المسلمین کے حوالے سے پیش کیئے جانے والے پروگرام اس بات کے آئینہ دار ہیں کہ مسلمانوں کے تمام مسلک امام حسین علیہ السلام کے غم میں اپنا حصہ ڈالتے ہیں۔ ماہ محرم ہو یا کوئی اور مناسبت ریڈیو تہران بہترین انداز میں خصوصی پروگرام ترتیب دیتا ہے اور اپنی سابقہ روایت کو برقرار رکھے ہوئے ہے۔